THE NEWSPAPER

The Newspaper

The newspaper චිත්‍රපටය යනු ශ්‍රී ලංකාවේ මාධ්‍ය කලාව ගැන කතාකරන අපූර්ව වූ නිර්මාණයකි. 2020 වර්ෂයේ තිරගත වූ මෙම නිර්මාණය ගැන වැඩි කතාබහකට ලක්වනුයේ රුසියාවේ පැවති සම්මාන උලෙළකදී සම්මානයට පාත්‍ර වීමද හේතු කොටගෙනය.

ශ්‍රී ලාංකීය චිත්‍රපට කලාව තුළ අපූර්ව වූ ගමන් මගක් සනිටුහන් කළ කුමාර තිරිමාදුර මහතාගේත්, සරත් කොතළාවල මහතාගේත් විශිෂ්ට නිර්මාණයක් වූ  The newspaper චිත්‍රපටය තුළින්  ලාංකීය සමාජයේ තිත්ත ඇත්ත පැති ගැන කතාකරන්නට මොවුන් සමත්ව ඇත.

උතුරු නැගෙනහිර යුද්ධය මුල්කොටගෙන නිර්මාණය වූ මෙම චිත්‍රපටය තුළින් එවකට මාධ්‍යයේ කතාබහට ලක්වූ සිංහල කොටි යන නාමය ප්‍රධාන කොටගෙන මෙය නිර්මාණය වී ඇත.

ලුයියා සහ ගුණයා යන පොළොන්නරු දිස්ත්‍රික්කයේ දුෂ්කර ගම්මානයක් වන ගල්ලෑල්ල ගමෙහි ජීවත්වන පුද්ගලයන් දෙදෙනෙකු අලලා ගෙතෙන මෙම කතාව තුළින් ගුණයා නම් පුද්ගලයාගේ සොහොයුරා වූ ශාන්තට වූ අසාධාරණය ගැන පෙන්වමින් මෙහි සිනමාකරුවන් උත්සාහ ගන්නේ සමාජය පුද්ගලයෙක් වැරදිකරුවෙක් කරන්න හරි ඉක්මනින් උත්සාහ කළත් යම් පුද්ගලයෙක් නිවැරදිකරුවෙක් වන බව පිළිගැනීමට අකමැති බව පිළිඹිබු කරන්නට ගත් වෑයමක් ලෙසද මෙම අපූර්ව වූ සිනමාකෘතිය පෙන්වාදිය හැකිය. 

මේ අනුව සමාජයේ මිනිසුන් අනෙකාගේ ගොදුරු බවට පත්වන ආකාරය අනුකම්පා සහගතවත්, යම් වෙලාවක උපහාසාත්මකවත් දක්වන්නට කළ විශිෂ්ට නිර්මාණයක් ලෙස The newspaper සිනමාකෘතිය හඳුන්වාදිය හැකිය.